कांकेर,21 जनवरी 2021। चोेर मन के बुलंद हौंसला के अंदाजा ये बात ले लगाये जा सकत हे कि ये बार ओमन राजमहल तक ल नइ छोड़िस। बस्तर के ऐतिहासिक महल म चोर मन ह सेंधमारी करिस हे। चोर मन ह हाथ साफ करत हुए बेशकीमती देवी-देवता मन के मूर्ति मन के संगे-संग कई कीमती चीज मन ल घलो चुरा ले हे। ये बात के जानकारी मिलत ही हड़कंप मचगे। मउका म आला अधिकारी अउ पुलिस टीम जांच बर पहुंचे हे।
मिले जानकारी के अनुसार चोर मन ह राजमहल म घुसे बर स्टोर रूम म लगे ग्रिल ल काटीस। उहां ले वो अंदर घुसिस अउ 100 लेे 150 बछर जुन्ना धातु मन ले निर्मित देवी-देवता मन के मूर्ति मन ल चुरा लिस। राज परिवार ल चोरी के बात पता चलत ही पुलिस ल खबर दीन। राज परिवार के सदस्य अश्वनी प्रताप देव ह बतइन कि सबो मूर्ति 5 बड़े पेटि मन म रखे हुए रहिस। फिलहाल पुलिस मामला के तफ्तीश करत हे।