उप मुख्यमंत्री श्री अरुण साव ह ‘स्वच्छता परमो धर्मः’ थीम सॉन्ग के वीडियो करिन लॉन्च

रायपुर, उप मुख्यमंत्री श्री अरुण साव ह बुधवार ल बिलासपुर म ‘स्वच्छता ही सेवा’ पखवाड़ा के राज्य स्तरीय समापन कार्यक्रम म ‘स्वच्छता परमो धर्मः’ थीम सॉन्ग के वीडियो लॉन्च करिन। नगरीय प्रशासन अउ विकास विभाग अउ राज्य शहरी विकास अभिकरण (SUDA) कोति ले तैयार कराए गे ए गाना के माध्यम ले मनखे मन ल अपन आसपास के परिवेश ल स्वच्छ रखे जागरुक अऊ प्रेरित करे गए हे। गाना म प्रदेश के शहर अऊ गांव मन ल स्वच्छ अउ सुंदर बनाए बर नागरिक मन ले जन भागीदारी बढ़ाय के अपील करे गए हे। वीडियो सॉन्ग के रिलीज के समय विधायक श्री धरम लाल कौशिक, श्री धर्मजीत सिंह अऊ श्री सुशांत शुक्ला, नगरीय प्रशासन विभाग के सचिव डॉ. बसवराजु एस., संचालक श्री कुंदन कुमार अऊ सुडा के सीईओ श्री शशांक पाण्डेय घलोक मौजूद रहिन।