कोरबा, 13 मार्च 2020। बालको नगर स्थित स्टेट बैंक ऑफ इंडिया की शाखा म रात कन चोर मन भिथिया म सेंधमारी करके घुसर गइन। उमन बैंक में रखे रुपिया चोरी करे के योजना बनाए रहिन फेर खजाना तक नइ पहुच पाइन।
ये घटना बालकोनगर के सेक्टर 5 में हनुमान मंदिर के पास के हे। ए मामला म बालको थाना प्रभारी लखन लाल पटेल के बताती रात के पुलिस के टीम गश्त में रहिस। गाड़ी के सायरन के आवाज सुन के चोर मन भाग गइन। बैंक के सीसीटीवी कैमरा के फुटेज सुरक्षित हे। चोर मन ल चिन्हे बर सॉफ्टवेयर इंजीनियर मन फुटेज ल खोजत हें।
जानबा हे के चोर बैंक में रखे एक 42 इंच के एलईडी टीवी, दू नग कम्प्यूटर के मॉनिटर अउ एक चेक वाले डब्बा ल चोरा लेहे हे। बिहनिया जब मनखे मन बैंक के भिथिया म बड़का छेद देखिन अउ बैंक के समान बगरे देखिन त एकर सूचना पुलिस ल दीन। ब्रांच मैनेजर के सूचना म अज्ञात चोर मन के खिलाफ मामला दर्ज कर लेहे गए हे। बैंक के ये घटना के बाद से इलाका म दहशत के माहौल हे।