मुख्यमंत्री श्री विष्णु देव साय के घोषणा होइस साकार, हाई मास्ट लाइट ले रोशन होइस बल्दाकछार

बलौदाबाजार, मुख्यमंत्री श्री विष्णु देव साय के अगुवई म राज्य म सुशासन तिहार के तीसरा चरण सकारात्मक बदलाव के चिनहारी बनत जात हे। मुख्यमंत्री श्री साय के घोषणा मन ल अमलीजामा पहिराए खातिर कलेक्टर दीपक सोनी के मार्गदर्शन म बलौदाबाजार जिला प्रशासन ह समयबद्ध कार्यवाही ठउका करत हे। इही कड़ी म मुख्यमंत्री के घोषणा म वनांचल क्षेत्र म बसे विशेष पिछडी जनजाति कमार बाहुल्य ग्राम बल्दाकछार म क्रेड़ा कोति ले सोलर हाई मास्ट लाईट लगाय के काम पूरा करे गए हे। अब बल्दाकछार के मनखे मन ल रात म घलोक दिन के अंजोर के अहसास होवत हे। गांव म अइसन प्रकाश व्यवस्था होए म गांव वाले मन ह मुक्‍त कंठ ले प्रशंसा करत हें अऊ शासन-प्रशासन ल धन्यवाद देवत हें।
जानबा हे कि सुशासन तिहार अंतर्गत मुख्यमंत्री श्री विष्णु देव साय आकस्मिक  निरीक्षण म विकासखंड कसडोल के  ग्राम बल्दाकछार पहुंचे रहिन। इहां गांव वाले मन ले रूबरू होए के समय गांव वाले मन ह गांव म अंधियारी के समस्या ल लेके  हाई मास्ट लाइट लगाए के मांग करे रहिन। मुख्यमंत्री श्री साय ह गांव वाले मन के मांग ल गंभीरता ले लेत तुरंतं जरूरी निर्देश दीन। मुख्यमंत्री के निर्देश म क्रेडा विभाग ह जल्दी कार्यवाही करत गांव वाले मन के सहमति म गांव के गुड़ी चौक अऊ कमारपारा म सोलर सयंत्रयुक्त हाई मास्ट लाइट स्थापित कर देहे हे। अब गुड़ी चौक अऊ कमारपारा क्षेत्र रात म घलोक पूरा रोशन हो गे हे, जेखर से गांव वाले मन ल सुरक्षा अऊ आवागमन म सुविधा मिले हे।
क्रेडा विभाग के इंजीनियर ह बताइस के हाई मास्ट लाइट के स्थापना बर स्थल चयन ग्राम सरपंच अऊ स्थानीय गांव वाले मन के संग संघरा करे गीस। चयन के बाद गुड़ी चौक अऊ कमारपारा म हाई मास्ट  संयंत्र सफलतापूर्वक स्थापित कर दे गए हे। राज्य सरकार के सुशासन तिहार जइसे पहल ये सिद्ध करत हे कि जनप्रतिनिधि अऊ प्रशासनिक तंत्र के सजगता ले जनसमस्या मन के जल्दी समाधान संभव हे। ग्राम बल्दाकछार म अंधियारी ले अंजोरी के ये बदलाव, शासन के संवेदनशीलता अऊ कार्यकुशलता के प्रत्यक्ष उदाहरण हे।