- कोरबा, महासमुंद अऊ कांकेर म खुलही मेडिकल कॉलेज
- भारत सरकार के स्वास्थ्य अउ परिवार कल्याण मंत्रालय ह दीन स्वीकृति
रायपुर, 21 मार्च 2020। मुख्यमंत्री श्री भूपेश बघेल के पहल म भारत सरकार के स्वास्थ्य अउ परिवार कल्याण मंत्रालय कोति ले छत्तीसगढ़ के कोरबा, महासमुंद अऊ कांकेर म तीन नवा मेडिकल कॉलेज चालू करे के प्रस्ताव ल मंजूरी दे देहे गए हे। ए तीनों मेडिकल कॉलेज के स्थापना केन्द्र प्रायोजित योजना के तहत कोरबा, महासमुंद अऊ कांकेर म पहिली ले स्थापित जिला अस्पताल या रिफरल अस्पताल मन म करे जाही।
ये योजना के तहत स्थापित होवइया एक मेडिकल कॉलेज के लागत 325 करोड़ रूपिया होही। ये मा केन्द्र सरकार के अंश 60 प्रतिशत करीबन 195 करोड़ रूपिया अऊ राज्य सरकार के योगदान 40 प्रतिशत करीबन 130 करोड़ रूपिया होही। ए तीनों मेडिकल कॉलेज बर राज्य सरकार कोति ले केन्द्र सरकार के संग आन-आन एम.ओ.यू. करे जाही। भारत सरकार के स्वास्थ्य अउ परिवार कल्याण मंत्रालय कोति ले छत्तीसगढ़ के स्वास्थ्य अउ परिवार कल्याण विभाग के सचिव ल छत्तीसगढ़ म तीन नवा मेडिकल कॉलेज के स्थापना के प्रस्ताव के मंजूरी के सूचना पत्र भेजे गए हे।