रायपुर, भारत सरकार (गृह मंत्रालय) कोति ले छत्तीसगढ़ पुलिस के तीन अधिकारी मन ल सूचना संकलन म उल्लेखनीय भूमिका निभाए बर ‘‘असाधारण आसूचना कुशलता पदक’’ प्रदान करे गए हे। ये पदक छत्तीसगढ़ पुलिस मुख्यालय म पदस्थ अकतहा पुलिस अधीक्षक एसआईबी, श्रीमती गायत्री सिंह, उप पुलिस अधीक्षक विशेष शाखा श्री नजमुस साकिब अऊ विशेष शाखा बिलासपुर म पदस्थ निरीक्षक श्री चित्रसेन सिंह खरसन ल प्रदान करे गए हे।
पुलिस महानिदेशक श्री डीएम अवस्थी ह राज्य पुलिस के ए तीनों अधिकारी मन ल राष्ट्रीय स्तर म पदक प्राप्त करे बर बधाई देवत शुभकामना व्यक्त करे हें। श्री अवस्थी ह आशा व्यक्त करे हें कि ए तीनों अधिकारी भविष्य म अऊ सुग्घर ढंग ले सहराए के लइक काम करहीं, अऊ एकर से छत्तीसगढ़ पुलिस के आन अधिकारी मन ल घलोक अपन कार्य क्षेत्र म उत्कृष्ट प्रदर्शन के प्रेरणा मिलही।
