राजधानी म सेक्स रैकेट के भंड़ाफोड़, तीन युवती अऊ एक पुरुष गिरफ्तार

रायपुर, 29 दिसम्बर 2020। राजधानी रायपुर म सेक्स रैकेट के भंड़ाफोड़ होय हे। खमतराई पुलिस ह बसंत विहार स्थित एक घर म छापामार कार्रवाई करत हुए तीन युवती अऊ एक पुरुष ल गिरफ्तार करे हे। पुलिस के अनुसार उमन ल लंबा बेरा ले बसंत विहार म देहव्यापार चलाये के सूचना मिलत रहिस। जेखर बाद सोमवार के घर म दबिश देके चार लोगन ल गिरफ्तार करे गिस। गिरफ्तार करे गए महिला मन रायपुर, बिहार अऊ दिल्ली के रहइया हे। जबकि पुरुष दलाल अंगराज सिन्हा संतोषी नगर के रहइया हे। बताय जावत हे कि नवा साल बर दिल्ली, बिहार ले युवती मन ल बुलाय गए रहिस।