खेती किसानी बर बारा मासी पानी अऊ जरूरी मदद मिले ले आत्मनिर्भर बनिस किसान जितेन्द्र
जगदलपुर 16 सितम्बर 2020। छत्तीसगढ़ ल समृद्ध अऊ आत्म निर्भर बनाए बर राज्य के कृषि ल उन्नतशील बनाए के सोच अऊ ओला कार्य रूप म परिणित कराना शुरू ले ही मुख्यमंत्री श्री भूपेश बघेल के नेतृत्व वाले छत्तीसगढ़ सरकार के विशेष प्राथमिकता म सामिल रहे हे। राज्य सरकार कोति ले ये दिशा म ठोस निर्णय लेके अऊ योजना बनाके ओखर सफल क्रियान्वयन घलोक करे गए हे। जेखर परिणाम स्वरूप पूरा राज्य के संगें-संग बस्तर जिला के किसान घलोक शासन के कई ठन जनकल्याणकारी योजना के लाभ लेके आधुनिक अऊ आत्म निर्भर कृषि के रद्दा म आगू बढ़त हें। योजना के सफल क्रियान्वयन के ही नतीजा हे के बस्तर जिला म धान के रकबा 10 साल पहिली खरीफ सीजन म 1 लाख 13 हजार 120 हेक्टेयर अऊ औसत उत्पादकता 1533 किलोग्राम प्रति हेक्टेयर रहिस। वो आज बाढ़के 1 लाख 11 हजार 942 हेक्टेयर अऊ औसत उत्पादकता 3202 प्रति हेक्टेयर हो गए हे।
शासन के जन कल्याणकारी योजना मन के सफल क्रियान्वयन के फलस्वरूप खेती किसानी म आये आशातीत सुधार अऊ बदलाव ले बस्तर जिला के सुदूर वनांचल के किसान घलोक अछूता नइ हे। इही के परिणाम हे के आज अपन खेती किसानी बर वर्षा के पानी उपर निर्भर रहइया जिला के बस्तर विकासखण्ड के ग्राम दूबे उमर गांव के किसान श्री जितेन्द्र साहू ल कृषि काम बर बारहमासी पानी मिले ले वो ह आज एक आत्मनिर्भर किसान बन गए हे। किसान जितेन्द्र कृषि विभाग के शाकम्भरी योजना ले अनुदान लेके 5 एचपी के डीजल पम्प अऊ किसान समृद्धि योजना ले ट्यूबवेल खनन कराए ले आज ओला उन्नतशील अऊ मन पसंद खेती बर केवल वर्षा के जल उपर निर्भर नइ रहना परत हे। ओला अब खेती बर समय म पानी मिल जात हे जेखर से ओ ह धान के अलावा मक्का, दलहन, तिलहन, सब्जी भाजी आदि फसल उगाके आत्मनिर्भर अऊ समृद्धि किसान बन गए हे।
