दू चोरहा (आरोपी) गिरफ्तार: टिकरापारा पुलिस करिस कार्रवाई

रायपुर, थाना टिकरापारा पुलिस ह गोकुल नगर के एक मकान म चोरी करइया दू आरोपी मन ल गिरफ्तार करे हे। जानबा हे के नसीम परवीन नाम के महिला ह टिकरापारा थाना म रिपोट दर्ज कराए रहिस के दिनांक 20.09.2021 के जब वो ह रतिहा कुन अपन घर म सुते रहिस अऊ परिवार के आन सदस्य मन घलोक अलग – अलग कमरा म सुते रहिन। त करीबन पौने तीन बजे वोकर ननद आसिया बेगम ह अपन भाई उस्मान के नाम लेत चिल्लाईस के घर म कोनो चोर घुस गे हे। प्रार्थिया ह अवाज सुनके अपन पति उस्मान के संग उठके कमरा ले जइसनहेच बाहिर निकलिस त दू अनजान मनखे घर ले निकल के भाग गे। कमरा म जाके देखे ले सब सामान अस्त व्यस्त मिलिस अऊ आलमारी खुला रहिस, अलमारी म रखे सोना के टाप्स, लाकेट, नगदी रकम अऊ एक नग मोबाईल नइ रहिस। दुनों अज्ञात चोर ओ मशरूका ल चोरी कर ले गये रहिन।
पुलिस ह अज्ञात आरोपी मन के विरूद्ध थाना टिकरापारा म अपराध नंबर 392/21 धारा 380, 34 भादवि. के अपराध पंजीबद्ध करिस। वरिष्ठ अफसर मन के निर्देशन म सायबर सेल अऊ थाना टिकरापारा के संघरा टीम ह प्रकरण म आरोपी मोनू उर्फ जीशान अली अऊ बाबू उर्फ बग्गी उर्फ फारुख पिता फकीर मोहमद ल गिरफ्तार करके वोखर कब्जा ले चोरी के 01 जोड़ी सोना के टाप्स अऊ 01 नग मोबाईल फोन जप्त करके आरोपी मन के खिलाफ थाना टिकरापारा म अग्रिम कार्यवाही करे गीस।