रायपुर : तिलई गौठान ह खोलिस महिला मन के तरक्की के रस्ता

आजीविका गतिविधि के संचालन ले महिला मन बाढिस सफलता ले डहर
रायपुर, 09 जुलाई 2023
गौठान ह स्व-सहायता समूह के महिला मन ब तरक्की के कतको रस्ता खोले हे। ए रास्ता म चलत हुए महिला मन तेजी ले आघू बाढ़त हे अउ अपन नाम रोशन करत हे। जांजगीर-चांपा जिला के अकलतरा विकासखंड के तिलई गौठान ले जुड़ के कतको महिला समूह आजीविका गतिविधि संचालित करत हे। महिला मन अब आत्म निर्भरता के डहर कदम बढ़ात हे, एमन ह दूसर महिला समूह मन ब मिसान बने हे। एकर से इमन के गांव म मान सम्मान घलो बाढ़ीस हे। अउ संग म उमन के परिवार ह घलो आर्थिक रूप ले मजबूत होइस हे।
तिलई गौठान म आरती समूह ह वर्मी कंपोस्ट, बतख पालन, जय मां लक्ष्मी समूह कती ले मुर्गी पालन, मछली पालन, जय अन्नधारी समूह कती ले साग सब्जी उत्पादन करे जाथ हे। ए महिला मन अब दूसर मन ब घलो प्रेरणा बनत हे। समूह के महिला मन के कहना हे कि छत्तीसगढ़ सरकार के सुराजी गांव योजना अबड़ लाभकारी साबित होवत हे। गौठान म आजीविका गतिविधि के संचालन होए ले अब महिला मन ल गांव म ही स्वरोजगार मिलत हे।
आरती महिला समूह के अध्यक्ष श्रीमती सरोज देवी साहू ह बताइस कि राष्ट्रीय ग्रामीण आजीविका मिशन बिहान ले 75 हजार रूपिया अउ बैंक लिंकेज के माध्यम ले लगभग दू लाख रूपिया ले आर्थिक सहायता मिलिस, जेकर से समूह के महिला मन जादा बढ़िया काम बुता कर सकिस। महिला मन ह लगभग 3 हजार 494 बोरी जैविक खाद तियार कर ओला सोसाइटी ल उपलब्ध कराइस। समूह ह वर्मी कंपोस्ट ले 1 लाख 97 हजार 360 रूपिया अउ केंचुआ बेच के 30 हजार रुपिया के लाभ प्राप्त करिस। ओ ह बताइस कि उमन के समूह ह बतख पालन घलो करत हे । जेकर से समूह ल 30 हजार रुपिया के फायदा होए हे।
जय मां लक्ष्मी महिला समूह के अध्यक्ष श्रीमती सत्या सोनी ह बताइस कि बिहान के माध्यम ले उमन ह 75 हजार रूपिया अउ बैंक लिंकेज ले एक लाख रुपिया के राशि आर्थिक सहायता के रूप म मिलिस। ए राशि म से उमन ह 17 हजार रूपिया लगा के मुर्गी पालन के बुता सुरू करिस अऊ 20 हजार रूपिया ले जादा के आमदनी होइस। उमन ह बताइस कि समूह ह मछली पालन के घलो बुता करत हे अउ एकर से घलो उमन ह बने फायदा होए के आस हे।
जय अन्नधारी महिला समूह के अध्यक्ष श्रीमती अनीता यादव बतात रहिस हे कि बिहान ले मिले सहायता राशि म से महिला मन ह 41 हजार 350 रुपिया लगा के साग सब्जी उत्पादन के बुता सुरू करे हे। समूह ह अभी तक 54 हजार ले जादा के साग बेच के लगभग 13 हजार 370 रुपिया के लाभ मिले हे।
Success story
Neha Rathore