कवर्धा, आजादी के 75 वां साल ल पूरा देश म आजादी के अमृत महोत्सव के रूप म मनाए जात हे। छत्तीसगढ़ म मुख्यमंत्री श्री भूपेश बघेल के अह्वान म राज्य म 11 अगस्त ले 17 अगस्त तक एक हफ्ता बर हमर तिरंगा हफ्ता मनाए जाही। इही कड़ी म प्रदेश के वन, परिवहन, गृह अऊ विधि विधाई कार्य मंत्री मोहम्मद अकबर के अगुवई म 13 अगस्त के कवर्धा नगर म तिरंगा पदयात्रा निकाले जाही। ये मा कबीरधाम जिला के निवासी मन बढ़ चढ़ के सामिल होहीं। तिरंगा पदयात्रा के तैयारी मंत्री मोहम्मद अकबर के निर्देशन म करे जात हे। पदयात्रा के समय पूरा कवर्धा नगर ल तिरंगामय करे के तैयारी हे।
बरसात के मौसम ल देखत विशेष रूप ले तैयारी करे जात हे। विशेषकर मोबाइल फोन ल पानी ले बचाय बर कवर रखे ल कहे जात हे। तिरंगा पदयात्रा म सामिल होवइया तिरंगा प्रेमी मानके चलत हें कि 13 अगस्त के बरसात हो सकत हे। कहूं बरसात हो गे तभो ऊंखर हौसला म कोनो असर नइ परय। मंत्री मोहम्मद अकबर 10 अगस्त के कवर्धा म बैठक म ये घोषणा करे हें कि बरसात होए म घलोक ओ मन पूरा तिरंगा पदयात्रा म सामिल रइहीं। उंखर ये घोषणा ले उत्साह के संचार होए हे। मंत्री पूरा समय तिरंगा पदयात्रा म सामिल रइहीं त बरसात ले पदयात्रा बेअसर रइही।
