मुंगेली: भारत के 71वें गणतंत्र दिवस 26 जनवरी के कार्यक्रम मुंगेली जिले म घलो गरिमामय अउ हर्षोल्लास के साथ मनाय गइस। मध्य क्षेत्र आदिवासी विकास प्राधिकरण के अध्यक्ष लालजीत सिंह राठिया ह मुख्य अतिथि बनके जिला मुख्यालय मुंगेली स्थित डाॅ. श्यामा प्रसाद मुखर्जी स्टेडियम म राष्ट्रीय ध्वज फहराके परेड के सलामी लीन अउ मुख्यमंत्री भूपेश बघेल के राज्य के जनता के नाम भेजे गे संदेश ल पढ़ के सुनाइन।
कार्यक्रम के मेन पहुना राठिया ह बिहनिया 9 बजे कार्यक्रम स्थल मं राष्ट्रीय झंडा ला फहराइन। ओखर बाद मेन पहुना मन गणतंत्र दिवस परेड के निरीक्षण करिन। ये अवसर म कलेक्टर डाॅ. सर्वेश्वर नरेंद्र भुरे अउ जिला के पुलिस अधीक्षक सीडी टंडन साथ म रहिन्।
मध्य क्षेत्र आदिवासी विकास प्राधिकरण के अध्यक्ष राठिया जी ह संदेश पढ़े के बाद मंच से शांति के प्रतीक कपोत अउ तिरंगा के प्रतीक रंग-बिरंगा फुग्गा आकाश में छोरिन। ओखर बाद शहीद के परिजन मन ला शाल अउ नारियल देके सम्मानित करे गिस।
मुंगेली ले संवाददाता
दिलीप बसंत
