अंबिकापुर, 13 जुलाई 2020। प्रदेश म कोरोना के संक्रमण तेजी ले बढ़त हे, इहां रोज अलग-अलग जिला मन ले नवा-नवा मामला आगु आवत हे। रविवार के घलो प्रदेश म कुल 150 मामला आगु आये हे। एमा ले 96 मरीज राजधानी रायपुर ले हे। इही बीच खबर आये हे कि अंबिकापुर म दू दिन तक टोटल लॉकडाउन रही। ये संबंध म एसडीएम अंजय त्रिपाठी ह आदेश जारी कर दे हे। जारी आदेश के अनुसार अंबिकापुर म मंगलवार अउ बुधवार के टोटल लॉकडाउन रही। ये दौरान इहां सब्जी बाजार अउ किराना दुकान समेत अन्य दुकान मन बंद रही। उहँचे ये दौरान कुछ जरूरी सेवा मन ल छूट दे गे हे।
