पर्यटन अऊ संस्कृति मंत्री श्री राजेश अग्रवाल ह मंत्रालय म कामकाज संभालिन

रायपुर, पर्यटन, संस्कृति, धार्मिक न्यास अऊ धर्मस्व मंत्री श्री राजेश अग्रवाल ह आज मंत्रालय महानदी भवन स्थित कार्यालय मे विधिवत पूजा अर्चना करके कामकाज के शुरूआत करिन। ए अवसर म राजस्व मंत्री श्री टंकराम वर्मा, खाद्य मंत्री श्री दयाल दास बघेल, विधायक श्री अनुज शर्मा, श्री संपत अग्रवाल, श्री प्रबोध मिंज, श्रीमती उद्धेश्वरी पैंकरा, छत्तीसगढ़ गृह निर्माण मण्डल के अध्यक्ष श्री अनुराग सिंह देव, छत्तीसगढ़ भवन अऊ आन संनिर्माण मंडल के अध्यक्ष श्री रामप्रताप सिंह, छत्तीसगढ़ संस्कृति परिषद के अध्यक्ष श्री शशांक शर्मा अऊ श्री पवन साय अऊ वरिष्ठ अधिकारी मन ह ओ मन ल पुष्प गुच्छ भेंट करके बधाई अऊ शुभकामना दीन।
संस्कृति अऊ पर्यटन मंत्री श्री राजेश अग्रवाल ह मंत्रालय के वरिष्ठ अधिकारी मन ले चर्चा करत कहिन के मुख्यमंत्री श्री विष्णु देव के मार्गदर्शन म राज्य म पर्यटन अऊ संस्कृति के क्षेत्र म काफी तेजी ले काम करना हे। राज्य म पर्यटन अऊ संस्कृति के क्षेत्र म काफी संभावना हे। पर्यटन क्षेत्र मन के विकसित होए ले स्थानीय मनखे मन बर रोजगार के अवसर घलोक बाढ़ही। उमन कहिन के केन्द्र सरकार के मदद ले राज्य म सड़क कनेक्टिविटी के तेजी ले विस्तार होवत हे, एखर से पर्यटन ल घलोक बढ़ावा मिलही। राज्य म नवा सड़क मन के स्वीकृति बर उमन प्रधानमंत्री श्री नरेन्द्र मोदी अऊ केन्द्रीय भू-तल परिवहन मंत्री श्री नीतिन गडकरी के प्रति आभार जताइन।
ए अवसर म अपर मुख्य सचिव धार्मिक न्यास अऊ धर्मस्व विभाग श्री सुब्रत साहू, संस्कृति विभाग के सचिव श्री रोहित यादव, छत्तीसगढ़ पर्यटन मंडल के जनरल मैनेजर श्री वेदव्रत सिरमौर, छत्तीसगढ़ माध्यमिक शिक्षा मंडल के सचिव श्रीमती पुष्पा साहू संग बहुत अकन वरिष्ठ अधिकारी उपस्थित रहिन।