- छत्तीसगढ़ के सबो एतिहासिक अऊ पुरातात्विक महत्व के पर्यटन स्थल अऊ धार्मिक स्थल मन के मरम्मत अउ सौंदर्यीकरण के वार्षिक कार्य-योजना बनाए के निर्देश
- जैव विविधता अउ पर्यटन स्थल मन के प्राकृतिक सुंदरता ल ध्यान म रखके तियार करव ड्राइंग अऊ डिजाईन
- पर्यटन अऊ धर्मस्व अउ धार्मिक न्यास विभाग के काम-काज के समीक्षा
रायपुर, 6 जून 2020। पर्यटन अऊ धर्मस्व मंत्री श्री ताम्रध्वज साहू ह राम वन गमन पर्यटन परिपथ के पहिली चरण म चुने गए 9 स्थल मन म ले चंदखुरी के विस्तृत परियोजना प्रतिवेदन के प्रस्तुतीकरण के अवलोकन करिन। उमन चंदखुरी म माता कौशल्या के मंदिर अऊ उहां के तालाब अऊ घाट मन के नैसर्गिक सुंदरता ल ध्यान म रखके सौंदर्यीकरण के काम कराए, ज्योति कलश कक्ष ल एक विशेष आकार देके आकर्षक बनाए, ताकि कम स्थान म जादा ले जादा दीप प्रज्वलित करे जा सकय, मंदिर परिसर म चारों कोति औषधीय अऊ फलदार पौधा लगाय, घाट के आसपास समतली करण अऊ मंदिर परिसर के पुल के चौड़ीकरण के निर्देश दीन। श्री साहू ह राजिम म होवत पर्यटन विकास के काम मन के खुदे स्थल निरीक्षण करे ल कहिन। उमन अधिकारी मन ले कहिन कि जऊन पर्यटन स्थल म विकास काम करे गए हे वो स्थल मन के निरीक्षण करे के बाद ही उहां के विशेषता, महत्ता अऊ जरूरत ल ध्यान म रखके निर्माण काम करे जाय, ताकि धन के अपव्यय झन होवय अऊ कम लागत म महत्वपूर्ण सुविधा मन के विस्तार हो सकय।