रायपुर, छत्तीसगढ़ के युवा मन ल पर्यटन क्षेत्र म रोजगार देवाए खातिर शुरू करे गए ‘पर्यटन साथी’ प्रोजेक्ट सफल रहे हे। रायपुर म आयोजित एक समारोह म कलेक्टर डॉ. गौरव सिंह ह ट्रेनिंग पूरा करइया 62 युवा मन ल सर्टिफिकेट अऊ ‘ईज़ माई ट्रिप’ (EaseMyTrip) कंपनी कोति ले जॉब ऑफर लेटर सौंपिन।
ए अनोखा पहल म जिला प्रशासन अऊ ईज़ माई ट्रिप ह मिलके युवा मन ल 120 घंटा के विशेष ट्रेनिंग दीस। ये मां ओ मन ल स्थानीय संस्कृति, ऐतिहासिक जगा के जानकारी, ऑनलाइन बुकिंग, साइबर सुरक्षा अऊ पर्यटक मन ले बातचीत करे के गुर सिखाए गीस।
कलेक्टर ह युवा मन के हौसला बढ़ात कहिन के ज्ञान के संगे-संग अच्छा व्यवहार ही पर्यटन व्यवसाय म सफलता के कुंजी हे। खास बात ये हे के युवा मन ल एजेंट लॉगिन आईडी घलोक मिले हे, जेखर से ओ मन नौकरी के अलावा खुद के टूरिज्म बिजनेस घलोक शुरू कर सकही। ट्रेनिंग पाके युवा अब प्रोफेशनल टूरिस्ट गाइड बने खातिर उत्साहित हें।
खुशखबरी: 120 घंटा के ट्रेनिंग अऊ हाथ म जॉब ऑफर लेटर! जानव का हे ‘पर्यटन साथी’ प्रोजेक्ट
