रायपुर, मुख्यमंत्री भूपेश बघेल ह अपन निवास परिसर म गौरी-गौरा के पूजा करके गोवर्धन अउ देवारी तिहार के शुभारंभ करिन। मुख्यमंत्री ह गोवंश के प्रति कृतज्ञता के चिन्हारी के परब म गौ माता ल अपन हाथ ले खिचरी खवा के परंपरा के निर्वहन करिन। मुख्यमंत्री श्री भूपेश बघेल ह अपन धर्मपत्नी श्रीमती मुक्तेश्वरी बघेल अऊ परिवार के सदस्य मन के संग गौरा-गौरी अऊ गोवर्धन पूजा करिन अऊ गौमाता ल खिचरी खवा के प्रदेश के सुख-समृद्धि अऊ खुशहाली के मंगलकामना करिन।
ये मौका म कार्यक्रम म वन मंत्री श्री मोहम्मद अकबर घलोक उपस्थित रहिन संगे-संग मुख्यमंत्री के सलाहकार श्री प्रदीप शर्मा छत्तीसगढ़ खनिज विकास निगम के अध्यक्ष श्री गिरीश देवांगन, छत्तीसगढ़ खादी अउर ग्रामोद्योग बोर्ड के अध्यक्ष श्री राजेंद्र तिवारी, छत्तीसगढ़ नागरिक आपूर्ति निगम के अध्यक्ष श्री राम गोपाल अग्रवाल छत्तीसगढ़ महिला आयोग के अध्यक्ष डॉ किरणमयी नायक, जिला सहकारी बैंक अध्यक्ष श्री पंकज शर्मा, इंदिरा कला अउ संगीत विश्वविद्यालय के कुलपति श्रीमती ममता चंद्राकर, इंदिरा गांधी कृषि विश्वविद्यालय के कुलपति डॉ गिरीश चंदेल, प्रजापिता ईश्वरीय विश्वविद्यालय के प्रमुख कमला दीदी संग बहुत अकन जनप्रतिनिधि अऊ गणमान्य नागरिक उपस्थित रहिन।
मुख्यमंत्री निवास म छत्तीसगढ़ के परंपरा मुताबक देवारी तिहार अऊ गोवर्धन पूजा के कार्यक्रम
