दुर्ग, 26 फरवरी 2020। एक जमाना रहिस जब गाँव मन म बिजली नई आए रहिस त खेत अउ बारी मन म किसान अउ सोनकर भाई मन कुँवा के पानी ल टेंड़ा म टेंड़ के खेत अउ बारी ल पलोवयं। अब नवा जमाना आ गे अउ बिजली के खँभा गाँव खेत म ओरी के ओरी लम गे, टेंड़ा नंदा गे।
अईसे समे म घलव एक किसान टेंड़ा के नवाचार के सहारे अपन दस एकड़ धनहा ल अकेल्ला टेंड़ा म पलो लेवत हे। सोसल मीडिया म वायरल ये वीडियो कहाँ के ये हम नई जानन, फेर ये भुइँया के भगवान के पांव परत ये वीडियो आप मन बर इंहा शेयर करत हवन-
