सरलग बारिश ले नक्सल प्रभावित इलाका म आवागमन ठप्प, साप्ताहिक बाजार म नई पहुंच पावत व्यापारी

सुकमा, 17 अक्टूबर 2020। सरलग बारिश ले नक्सल प्रभावित इलाका म आवागमन ठप्प होगे हे। मुकरम गांव के पास नाला उफान म हे। इलाका म पानी भरे ले व्यापारी चिंतलनार बाजार नई पहुंच पावत हे। दरअसल आज चिंतलनार के साप्ताहिक बाज़ार हे। व्यापारी मन सामान लेके निकल गे रहीन, लेकिन नाला म बने पुल म पानी भरे होए के सेती ले व्यापारी बाजार नई पहुंच पावत हे। उहें स्थानीय लोगन अपन जान के परवाह नई करत हुए नाला पार करत हे। बतादन कि बीते कुछ दिन ले सुकमा म सरलग बारिश होए के सेती नदीया-नाला उफान म हे।