कोरबा, 19 नवम्बर 2020। जिला म सड़क हादसा होइस हे। मिले जानकारी के मुताबिक जिला मुख्यालय ले 15 किलोमीटर दूर पताडी म लैंको ओवर ब्रिज म दु वाहन के भिडंत होगे। कोरबा चाम्पा मार्ग म पताड़ी के पास एक तेज रफ्तार हाइवा अऊ कार के बीच भिड़ंत होगे। ये घटना म कार म सवार 3 लोगन घायल होगे। घटना के बाद चलत हाइवा ले कूद के भागे के कोशिश करइया चालक अपन गाड़ी के नीचे म आ गे अउ घटनास्थल म ही ओखर मउत होगे। मउका म पहुंचे उरगा पुलिस के टीम ह घायल कार सवार ल उपचार बर जिला अस्पताल म भर्ती कराय हे।
गुरतुर गोठ बर- भीषम वर्मा
