जगदलपुर, 19 मार्च 2021। छत्तीसगढ़ बटालियन एनसीसी परचनपाल द्वारा एनसीसी संयुक्त वार्षिक प्रशिक्षण शिविर सीएटीसी-20 के आयोजन परचनपाल स्थित कन्या शिक्षा परिसर म 14 मार्च ले करे गए रहिस जेखर समापन 16 मार्च को होइस। प्रशिक्षण शिविर म कैडेट मन ल ड्रील, फायरिंग, आर्म हैडलिंग, मैप रीडिंग, फायर-फायटिंग, प्राथमिक चिकित्सा, ट्रॉफिक नियम, प्राकृतिक आपदा, स्वच्छता अभियान, योगा-पीटी अऊ अम्बूस के प्रशिक्षण देहे गीस। एखर अलावा कोविड-19 ले बचाव अऊ स्वास्थ्य संबंधि जानकारी घलो देहे गीस।
कैम्प कमानडेट कर्नल अजय धवन के अध्यक्षता म बस्तर जिला के लगभग 150 एनसीसी कैडेट बालिका मन ह तीन दिवसीय वार्षिक प्रशिक्षण शिविर म शामिल होइस। कमानडेट कर्नल अजय धवन ह कैडेट मन के उत्साह वर्धन अऊ आभार व्यक्त करिन। संग ही उंखर उज्ज्वल भविष्य के कामना करत तीन दिवसीय कैम्प के समापन करे गीस।
