रायपुर, 31 मई 2024। छत्तीसगढ़ शासन, सामान्य प्रशासन विभाग मंत्रालय महानदी भवन म पदस्थ अधिकारी (मुख्य सचिव, अपर मुख्य सचिव, प्रमुख सचिव, सचिव, विशेष सचिव, संयुक्त सचिव, उप सचिव, अवर सचिव) के निजी स्थापना म पदस्थ स्टेनो संवर्ग के अधिकारी मन अउ कर्मचारी मन ल एनआईसी ई-मेल के उपयोग करे अउ विभागीय काम ऑनलाइन माध्यम ले पूरा करे अउ सचिवालयीन कार्यप्रणाली अउ नियमावली के संबंध म दू दिन के प्रशिक्षण दिनांक 30 अउ 31 मई के मंत्रालय महानदी भवन म आयोजित करे गीस।
प्रशिक्षण के शुभारम्भ अवसर म सचिव सामान्य प्रशासन विभाग श्री अन्बलगन पी. ह प्रशिक्षण के जरूरत अउ उद्देश्य मन ल परखर बताईस। अपर मुख्य सचिव, वन अउ पर्यावरण विभाग श्रीमती ऋचा शर्मा अवइया समय म छत्तीसगढ़ शासन के काम मन म कइसे तेजी लाए जा सकत हे। एखर बर ई-ऑफिस अउ डिजिटल सेक्रेटरी, ईमेल, डिजिटल कलेन्डर के माध्यम ले मीटिंग के जानकारी दीन। दिन-प्रतिदिन नवा तकनीक के जरूरत उपर विस्तार पूर्वक जानकारी देहे गीस। उमन कहिन कि नवा तकनीक ले अधिकारी मन के काम आसान होए हे अऊ उंखर परयोग आज सबो ल आना चाही ए बात उपर उमन मार्गदर्शन दीन। एनआईसी के प्रशिक्षक मन के संग पोर्टल ले संबंधित विसय उपर प्रशिक्षण दे गीस कि एनआईसी ईमेल के सबो तथ्य के उपयोग जइसे संबंधित विभाग के एडरेस बुक अपडेट रखना आई.एस. के अंतर्गत अधिकारी के अभी हाल पता, विभाग फोल्डर बनाना, जेखर से सबो प्रासंगिक ईमेलस ल लिंक करे गीस जा सकय जइसे सबो मीटिंग्स, एपीएआर, आईपीआर आदि के जानकारी दे गीस।