सोशल मीडिया म हमर बोरे बासी के मचे हे धूम

आज पूरा छत्तीसगढ़ ह खावत हे बोरे-बासी
सोशल मीडिया म हैशटैग #HamarBoreBaasi दूसर नंबर म ट्रेंड करत हे
रायपुर, नेहा राठौर के खबर/  छत्तीसगढ़ के मुख्यमंत्री श्री भूपेश बघेल के आह्वान म आज छत्तीसगढ़ के जम्मो वर्ग के लोगन मन ह बोरे-बासी खाके श्रम के उत्सव मनाइस हे। ए बोरे-बासी तिहार म लोगन मन ह बोरे-बासी खात हुए तस्वीर अउ वीडियो सोशल मीडिया म अपलोड करिस। ए मउका म लोगन मन के उत्साह अउ सक्रिय सहभागिता के सेती हैशटैग #HamarBoreBaasi दूसर नंबर म ट्रेंड करत हे।
मुख्यमंत्री श्री भूपेश बघेल ह ए अवसर म प्रदेश के मूर्धन्य साहित्यकार डॉ. खूबचंद बघेल के पंक्तियाँ सोशल मीडिया म शेयर करते हुए लिखिस-
बासी के गुण कहुँ कहाँ तक, इसे न टालो हाँसी में।
गजब विटामिन भरे हुए हैं, छत्तीसगढ़ के बासी में।।
ए अवसर म प्रशासनिक अधिकारी, सुरक्षा बल, पुलिस के जवान छत्तीसगढ़ के कैबिनेट मंत्री, विधायक मन ह घलो बोरे-बासी खाइस। ए मामला म छत्तीसगढ़ के जनता घलो पाछु नई रहीस, सब कोनो मन अपन संस्कृति म गर्व करत हुए, श्रमिक अउ किसान के सम्मान म बोरे-बासी खाइस हे।