मुख्यमंत्री ह धरमजयगढ़ म लीन अधिकारी मन के बैठक अऊ करिन योजना मन के समीक्षा
जनता के सेवा, सम्मान, सुविधा अऊ सुरक्षा के संग समृद्धि ल बताइन महत्वपूर्ण
रायगढ़, मुख्यमंत्री श्री भूपेश बघेल ह आज अधिकारी मन के बैठक लेके निर्देशित करिन कि आम जनता के सेवा ही ये सरकार के प्रमुख उद्देश्य हे। आम जनता के समस्या मन के समय म निराकरण अऊ पारदर्शी प्रशासन के संग हितग्राही मन के संतुष्टि सबो के प्राथमिकता म होनी चाही। कहूं कोनो के शिकायत आही त मोला कार्यवाही बर बाध्य होना परही। ते पाए के कोनो अइसन काम ढन करव, जेखर से कि आप मन के शिकायत होवय।
प्रदेश व्यापी भेंट मुलाकात कार्यक्रम म रायगढ़ जिला के धरमजयगढ़ विधानसभा म स्थानीय अधिकारी मन के बैठक लेके मुख्यमंत्री श्री बघेल ह कहिन कि ओ मन जिंहा जात हें, कलेक्टर अऊ एसपी ल आम जनता के समस्या मन के निराकरण के सम्बंध म निर्देश देवत हें। आम जनता के सेवा, ओ मन ल सुविधा, उंखर सम्मान, सुरक्षा अऊ उंखर समृद्धि सबो के प्राथमिकता म होना चाही। मुख्यमंत्री ह कहिन कि ये क्षेत्र म गरीब, आदिवासी, पिछड़ा मन निवास करथें। ओ मन बहुतेच उम्मीद के संग अधिकारी मन तीर शासन के योजना मन के लाभ उठाए या अपन समस्या मन के निराकरण बर जाथें। ओ मन ल घेरी-बेरी कोनो कार्यालय या अधिकारी मन के चक्कर नइ काटना परय, ये सबो ठउका करव। मुख्यमंत्री ह धरमजयगढ़ म विकास काम मन के लोकार्पण अऊ भूमिपूजन घलोक करिन।
