वन मंत्री श्री मोहम्मद अकबर ह अवैध उत्खनन अऊ वन अपराध म कड़क कार्यवाही करे बर अधिकारी मन ल दे हे हुकुम
कवर्धा, वन अऊ परिवहन मंत्री श्री मोहम्मद अकबर के हुकुम म वन क्षे़त्र मन म अवैध उत्खनन अऊ वन अपराध करइया मन के उपर कड़ा कार्यवाही करे जात हे। इही कड़ी म वन मंडल कवर्धा अंतर्गत पंडरिया उप वन मंडल के परिक्षेत्र पंडरिया पूर्व म वन मंडल अऊ जलवायु बदलाव विभाग के स्थानीय अमला ल अवैध उत्खनन के मुखबिर ले सूचना मिले म वन विभाग के अधिकारी मन वन क्षेत्र म अवैध उत्खनन करत पाये जाय म जेसीबी मशीन अऊ तीन ट्रैक्टर ट्रॉली मन ल जब्त करे गए हे।
अधिकारी मन ह मौका म वन जमीन म अवैध रूप ले मुरूम के उत्खनन करत पाये म एक नग जे.से.बी. मशीन वाहन मालिक विश्वनाथ साहू अऊ कला राम साहू, ग्राम लीलापुर, थाना अऊ तहसील लोरमी, जिला मुंगेली अऊ वाहन चालक अंजोर सिंह अऊ विश्नु प्रसाद धुर्वे, ग्राम राम्हेपुर, तहसील लोरमी, जिला मुंगेली अऊ तीन नग ट्रैक्टर वाहन मालिक नारायण प्रसाद साहू अऊ गीस प्रसाद साहू, ग्राम सरईसेत, थाना कुकदूर, जिला कबीरधाम अऊ वाहन चालक बिकेंद्र अऊ तिजराम यादव, ग्राम सरईसेत, थाना कुकदूर, जिला कबीरधाम, वाहन मालिक अऊ वाहन चालक पन्नालाल साहू अऊ रामफल साहू, ग्राम सनकपाट छिंदीपारा, थाना कुकदूर, जिला कबीरधाम अऊ ट्रॉली वाहन मालिक कातिक राम साहू अऊ टिबलू साहू, ग्राम नवरंगपुर, तहसील लोरमी, जिला मुंगेली अऊ वाहन चालक लेख राम अऊ कातिक राम साहू, ग्राम नवरंगपुर, जिला मुंगेली म विभागीय कार्यवाही करे गए हे।