मुंगेली जिला म वृहद पौधारोपण अभियान के होइस आगाज
मुंगेली 03 जुलाई 2020// हरियर छत्तीसगढ़ योजना के तहत पर्यावरण संरक्षण अउ संवर्धन के साथ-साथ जिला ल अउ जादा हरियर बनाय के लिए जिला मुख्यालय मुंगेली के नवागढ़ रोड स्थित डाॅ. श्यामा प्रसाद मुखर्जी स्टेडियम म वृहद मात्रा म पौधा रोपण करके आज पौधा रोपण अभियान के आगाज करे गिस। जिला पंचायत के अध्यक्ष श्रीमति लेखनी सोनू चंद्राकर अउ कलेक्टर श्री पी.एस.एल्मा ह छायादार अउ आयुर्वेदिक औषधि से भरपूर नीम के पौधा रोपित करके अभियान के शुरूवात करिन। 
ये अवसर म जिला पंचायत के मुख्य कार्यपालन अधिकारी श्रीमति नुपूर राशि पन्ना, अपर कलेक्टर श्री राजेश नशीने, नगर पालिका मुंगेली के पार्षदगण हेमेन्द्र गोस्वामी, रोहित शुक्ला, राहुल कुर्रे, अरविंद वैष्णव, चंद्रशेखर यादव, जिला पंचायत के पूर्व उपाध्यक्ष श्री सोनू चंद्राकर, नगर पालिका मुंगेली के पूर्व अध्यक्ष श्री अनिल सोनी, वरिष्ट नागरिक श्री आत्मा सिंह क्षत्रिय सहित जनप्रतिनिधि, आन विभाग के जिला स्तरीय अधिकारि ह घलो लगभग 200 प्रजाति के पौधा रोपण करके वृहद पौधा रोपण अभियान म अपन सहभागिता सुनिश्चित करिन।
जिला पंचायत के अध्यक्ष श्रीमति चंद्राकर ह कहीन कि पर्यावरण संरक्षण अउ संवर्धन बर लगाय गय पौध के देख भाल, संरक्षण एवं संवर्धन करना पौधरोपड़ ले बड़े बात हे। कलेक्टर श्री एल्मा ह बताइन कि जिला ल अउ अधिक हरा-भरा बनाय के लिए मानसून के दौरान बड़े संख्या म फलदार अउ छायादार पौधा लगाय जही। पौधा चिंहाकित क्षेत्र, स्कूल, आंगनबाडी केंद्र अउ कई कार्यालय के प्रांगण म लगाय जही।
