दू बाइक म जबरदस्त भिडंत, दू मनखे के मउत

कांकेर, 5 दिसम्बर 2020। कांकेर शहर ले सटे ग्राम दसपुर के बाबा बगरूम देव चौक के पास दू बाइक मन म भिड़ंत होगे। दुर्घटना म दू लोगन के मउत होगे। जानकारी के अनुसार बाबा बगरूम देव चौक के पास वेल्डिंग दुकान म काम करने वाला मिस्त्री सरोना निवासी जितेन्द्र साहू भालू डबरी (दसपुर के गढ़िया पहाड़) ले काम करके वेल्डिंग दुकान बर वापस आवत रिहिस कि विपरीत दिशा ले आवत बरकई निवासी नारायण निषाद अपन संगवारी बीरेन्द्र नेताम ल पीछू म बइठा के कुछ निजी काम ले कांकेर जावत रिहिस कि अचानक दुनों के बाईक एक-दूसर ले टकरागे। उपस्थित ग्रामीण मन के मदद ले संजीवनी 108 ल फोन लगाके जानकारी दीस। घायल मन ल महतारी एक्सप्रेस के मदद ले जिला चिकित्सालय लाए गिस, जिहां प्राथमिक उपचार के बाद चिकित्सक मन ह हालत के गंभीरता ल देखत हुऐ हायर सेन्टर रिफर करे गिस,जिहां रस्ता म दुनों के मउत होगे।