समाज के मनखे शिक्षित होही, जागरूक बनव : सुश्री उइके

जनजाति हितरक्षा मंच के प्रतिनिधिमंडल ह करिस मुलाकात

रायपुर, 05 मार्च 2020। राज्यपाल सुश्री अनुसुईया उइके ले आज इहां राजभवन म जनजाति हितरक्षा प्रांत प्रमुख श्री कृष्ण कुमार वैष्णव के नेतृत्व म प्रतिनिधिमंडल ह मुलाकात करिस। उमन जनजाति मन ले संबंधित कई ठन मुद्दा मन उपर राज्यपाल ले चर्चा करिन। राज्यपाल ह कहिन कि संविधान म जनजाति मन ल बहुत अकन अधिकार देहे गए हे अऊ उन सबो प्रावधान अउ शासन के योजना मन के जानकारी रखव अऊ ओखर लाभ उठावव। अपन लइका मन ल स्कूल जरूर भेजव। जऊन लइका स्कूल-कॉलेज जावत हें ओ मन बीच म स्कूल जाना ढन छोड़यं। समाज के मनखे शिक्षित अऊ जागरूक होही। जड़ीबूटी मन ले संबंधित ओ मन ल जऊन पारंपरिक ज्ञान हो ओला संरक्षित रखव अऊ दूसर मन ल घलोक एखर जानकारी देवव। उमन कहिन कि वन समिति मन ल चार गुठली ले चिरौंजीं निकाले के मशीन देहे बर जरूरी सहयोग देहे के प्रयास करे जाही।

राज्यपाल सुश्री उइके ह कहिन कि जऊन वन समिति मन कार्यरत हे, ओ मन वनोपज ले संबंधित व्यवसाय ल अपनाके आर्थिक रूप ले सशक्त हो सकत हें। वनोपज के बाजार म इंकर बढि़या दाम मिलथे। सुश्री उइके ह कहिन कि प्रतिनिधिमण्डल के समस्या मन के समाधान बर शासन स्तर म चर्चा करे जाही। राज्यपाल ह कहिन कि जनजातीय समाज के मनखे संगठित रहव अऊ अपन समस्या मन ल शासन के आगू रखव, उंखर बात सुने जाही अऊ समाधान होही। ये बेरा म कवर्धा जिला के कई ठन गांव के जनजाति समाज के सदस्य उपस्थित रहिन।