मुख्यमंत्री श्री विष्णुदेव साय जनजातीय गौरव दिवस म आयोजित कार्यशाला म संघरिन
रायपुर/ मुख्यमंत्री श्री विष्णु देव साय आज राजधानी रायपुर स्थित सिविल लाइन के कन्वेंशन हॉल म आयोजित जनजातीय गौरव दिवस कार्यशाला म सामिल होइन अऊ एकर शुभारंभ करिन।
मुख्यमंत्री श्री साय ह कहिन के पदर साल घलोक इही सभागार म जनजातीय गौरव दिवस के कार्यशाला सफलतापूर्वक आयोजित होए रहिस, जेन ल पूरा प्रदेश म उत्साहपूर्वक मनाए गीस। जशपुर म आयोजित 10 किलोमीटर लंबा पदयात्रा म केंद्रीय मंत्री श्री मनसुख मांडविया सामिल होए रहिन, जेमां जनजातीय समाज के पारंपरिक वेशभूषा, व्यंजन, आभूषण अऊ संस्कृति के आकर्षक प्रदर्शन करे गए रहिस। प्रधानमंत्री श्री नरेंद्र मोदी ह ए पहल के सराहना करत कहे रहिन के अइसन आयोजन देशभर म ह साल आयोजित करे जाना चाही।
मुख्यमंत्री ह कहिन के प्रधानमंत्री श्री नरेंद्र मोदी ह भगवान बिरसा मुंडा के 150वीं जयंती म जनजातीय गौरव दिवस मनाए के निर्णय लेके जनजातीय नायक मन के गौरवशाली विरासत ल सम्मानित करे हे। उमन पहिली प्रधानमंत्री श्री अटल बिहारी वाजपेयी के योगदान के उल्लेख करत कहिन के उमन पहली पइत आदिवासी कल्याण मंत्रालय के गठन करके जनजातीय समाज के सम्मान अऊ उत्थान के दिशा म ऐतिहासिक कदम उठाए रहिन।
मुख्यमंत्री श्री साय ह कहिन के प्रधानमंत्री श्री मोदी के अगुवई म पीएम जनमन योजना अऊ प्रधानमंत्री धरती आबा ग्राम उत्कर्ष योजना के अंतर्गत छत्तीसगढ़ म लउहे विकास काम होवत हे। जनमन योजना के अंतर्गत प्रदेश म 2,500 किलोमीटर सड़क मन के निर्माण अऊ 32,000 प्रधानमंत्री घर स्वीकृत करे गए हे।
उमन बताइन के नवा रायपुर म छत्तीसगढ़ के 14 जनजातीय विद्रोह अऊ अमर शहीद वीर नारायण सिंह के जीवन उपर आधारित ट्राइबल म्यूजियम के निर्माण करे गए हे, जेन आदिवासी इतिहास अऊ गौरव के धरोहर ल संरक्षित करे के दिशा म हमर सरकार के एक बड़का पहल हे। मुख्यमंत्री ह शिक्षाविद अऊ प्रबुद्धजन मन ले आग्रह करिन के जनजातीय गौरव अऊ इतिहास ल शैक्षणिक पाठ्यक्रम मन म सामिल करे जाए, ताकि नवा पीढ़ी अपन पूर्वज मन के समृद्ध विरासत ले प्रेरणा ले सकंय।
ए बेरा म उच्च शिक्षा विभाग के सचिव डॉ. एस. भारतीदासन, आयुक्त आदिम जाति विकास विभाग डॉ. सारांश मित्तर, संचालक रोजगार अऊ प्रशिक्षण श्री विजय दयाराम के., कई ठन विश्वविद्यालयों के कुलपति, अग्रणी महाविद्यालय मन के प्राचार्य अऊ कई ठन संस्था मन के प्रतिनिधि उपस्थित रहिन।
