अंबिकापुर म जनजातीय गौरव दिवस म आहीं राष्ट्रपति मुर्मु, तियारी मन के लेहे गीस जायजा

अंबिकापुर, भगवान बिरसा मुंडा के सुरता म मनाए जाने वाला जनजातीय गौरव दिवस के अवसर म राष्ट्रपति श्रीमती द्रौपदी मुर्मु 20 नवंबर के अंबिकापुर प्रवास म रइहीं। ऊंखर आगमन के तियारी ल लेके आदिम जाति विकास विभाग के प्रमुख सचिव श्री सोनमणि बोरा ह कार्यक्रम स्थल के जांच करिन। उमन गांधी स्टेडियम म बनाए जात हेलीपैड के जायजा लेके सुरक्षा, मार्ग, सफाई अऊ व्यवस्था मन ल लेके निर्देश दीन। एखर बाद पीजी कॉलेज मैदान म मुख्य कार्यक्रम स्थल के तैयारी के समीक्षा करिन। उमन पंडाल, बैठक, वीआईपी गेट, यातायात, सुरक्षा, पेयजल, बिजली, पार्किंग अऊ सांस्कृतिक मंच के व्यवस्था मानक मुताबिक अऊ आकर्षक रूप ले पूरा करे ल कहिन। संगे पीजी कॉलेज ऑडिटोरियम म होवइया संगोष्ठी के तैयारी के घलोक निरीक्षण करिन। ए बेरा म संभागायुक्त नरेन्द्र दुग्गा, कलेक्टर विलास भोसकर अऊ वरिष्ठ पुलिस अधीक्षक राजेश अग्रवाल संग आन अधिकारी उपस्थित रहिन।