आदिवासी साहित्यकार मन के तीन दिन के संगोष्ठी : राष्ट्रीय आदिवासी नृत्य महोत्सव उपर होही गोठ-बात

रायपुर, रायपुर के साइंस कॉलेज मैदान में आयोजित राष्ट्रीय आदिवासी नृत्य महोत्सव उपर केंद्रित आदिवासी समाज के साहित्यकार मन, लेखक मन, बुद्धिजीवी मन के तीन दिवसीय संगोष्ठी के आयोजन नवा सर्किट हाउस म होही। संगोष्ठी म भारत के आदिवासी मन के संस्कृति, परंपरा, रीति-रिवाज अउ साहित्य के जानकार शोधार्थी, बुद्धिजीवी, शिक्षाविद मन अउ सामाजिक कार्यकर्ता मन ल बलाए गए हे।
छत्तीसगढ़ म पहली पइत आयोजित होवत राष्ट्रीय आदिवासी नृत्य महोत्सव के देश-विदेश म गोठ-बात हे। छत्तीसगढ़ के इतिहास म ये अब तक के ये सबले बड़े अउ भव्य आदिवासी नृत्य महोत्सव ये। संस्कृति मंत्री श्री अमरजीत भगत ह बताइस के ये आयोजन म देशभर के विश्वविद्यालय के 183 शोधार्थी मन म ले चयनित तीन शोधार्थी मन ह अपन शोधपत्र पढ़हीं। शोधार्थी मन द्वारा आदिवासी मन के संस्कृति अउ परम्परा मन के कई पहलु मन उपर अध्ययन करके शोधपत्र प्रकाशित करे गए हे।