राष्ट्रीय आदिवासी नृत्य महोत्सव म सामिल होए रवाना होइन फिलिस्तीन के कला समूह

ऊर्जा अऊ तालमेल के संगम ‘दाबके‘ नृत्य के करहीं प्रदर्शन

रायपुर, छत्तीसगढ़ म 28 ले 30 अकटूबर तक आयोजित होवइया राष्ट्रीय आदिवासी नृत्य महोत्सव म भाग लेहे बर अलग-अलग देश ले कला समूह मन के आना शुरू हो गए हे। इही सिलसिला म फिलीस्तीन ले अवतार सांस्कृतिक केन्द्र के दाबके कला समूह घलोक भारत बर रवाना हो गए हे। ए संबंध म फिलीस्तीन के रामल्ला शहर म स्थापित भारत के प्रतिनिधि कार्यालय ह ट्वीट करके जानकारी देहे हे। भारत के प्रतिनिधिमंडल ह फिलीस्तीन ले छत्तीसगढ़ आवत अवतार सांस्कृतिक केन्द्र के दाबके समूह ले मिलके उंखर स्वागत करिस। ये समूह फिलीस्तीन के प्रतिनिधित्व करत आदिवासी नृत्य महोत्सव म पारंपरिक दाबके नृत्य के प्रदर्शन करही। जनबा हे कि राष्ट्रीय आदिवासी नृत्य महोत्सव म 7 देश के नर्तक दल संग देश के 27 राज्य अउ 6 केन्द्र शासित प्रदेश मन के 59 आदिवासी नर्तक दल सामिल होवत हे।