6 हजार कोरवा परिवार ल मिलिस मुख्यमंत्री हाट बाजार क्लीनिक योजना के लाभ
माता पिता मन ह दिस मुख्यमंत्री ल धन्यवाद
जशपुरनगर, नेहा राठौर के खबर/ स्वास्थ्य विभाग कोती ले संचालित चिरायु योजना भितरी गंवई (दूरस्थ अंचल) के लईका मन ब संजीवनी के के हे काम। छत्तीसगढ़ शासन कोती ले लईका मन के ईलाज ह बड़े ले बड़े अस्पताल म भेज देथे अउ प्रशासन ह ईलाज के जम्मो खरचा ल पुरोथे।जिला प्रशासन अउ कलेक्टर डॉ. रवि मित्तल के परयास ले 90 बिसेस पछवाए (पिछड़ी) जनजाति पहाड़ी कोरवा लइका मन ल चिरायु योजना के लाभ मिलिस। मुख्यमंत्री हाटबाजार क्लिनिक योजना म 6 हजार बिसेस पछवाए (पिछड़ी) जनजाति पहाड़ी कोरवा परिवार के स्वास्थ्य परीक्षण करके निःशुल्क दवई दिए गए हे।
चिरायु के चिकित्सा अधिकारी डॉ. अरविन्द रात्रे ह बतइस के चिरायु योजना के लाभ दिए ब लईका मन के चिरायु टीम ह चिन्हा करथे अउ लईका मन के पोर्टल म एंट्री करे जाथे। गंभीर बिमारी ले ग्रसित लइका मन ल रईपुर के बड़े अस्पताल म सफल ऑपरेशन कराए जाथे। स्वास्थ्य विभाग के अन्तर्गत जिला म 15 चिरायु टीम काम करत हवय। हर एक समुह ह अपन-अपन विकासखण्ड के आंगनबाड़ी अउ सरकारी इस्कूल के निरीक्षण महिना म दू घ करथे।
डॉ. अरविन्द ह बतइस के जिला के बिसेस पिछडे़ जनजाति पहाड़ी कोरवा अउ बिरहोर जनजाति के लईका मन के सफल ऑपरेशन कराए गए हे। एमा होंट अउ तालु के विक्रति के 01 लईका, जन्मजात हदय रोग के 06 लईका, त्वचा संबंधित रोग के 23 लईका, दंत रोग के 11 लईका, कान संक्रमण वाले 09 लईका, दृष्टि दोष के 13 लईका अउ अतिकुपोषित के 06 लईका, रक्तात्पता के 07 लईका समेत अउ आने रोग के 14 झन लईका मन के सफल ईलाज कराए गए हे। ओ ह बतईस ले बगीचा विकासखण्ड के शिवकुमार अउ सावित्री बाई जन्मजात हृदय रोग ले ग्रसित रहिस हे।जेकर एम्स अस्पताल रायपुर म सफल ऑपरेशन कराए गईस हे। अइसनहे जन्मजात हृदय रोग ले ग्रसित अनिमा बाई, साहिल बनवासी, आनन्द राम अउ सुनिता बाई के एमएमसी अस्पताल रायपुर अउ मनीषा बाई के कटे-फटे होंठ के ऑपरेशन श्री मेडिशाईन हॉस्पिटल रायपुर म कराए गए हे।
चिरायु ह लानिस 90 झन बिसेस पछवाए जनजाति पहाड़ी कोरवा के लईका मन के मुख म मुस्कान
