बेमेतरा, नेशनल ट्रायबल डांस फेस्टिवल के आयोजन बीते दिन म बेमतरा के शासकीय हाईस्कूल सिंघौरी म आयोजित करे गीस। आप मन जानतेच होहू के जिला के सबो चार विकासखण्ड मन म ब्लाक स्तरीय आयोजन होए के बाद युवा कलाकार मन ह सिंघौरी म जिला स्तर म अपन प्रतिभा के प्रदर्शन करिन। कलेक्टर श्रीमती शिखा राजपूत तिवारी ह अपन उद्बोधन म कहिन कि शासन के मंशा हे, कि क्षेत्र के कलाकार मन ल मंच प्रदान करे जाय, चाहे वो नेशनल डांस फेस्टिवल हो या युवा महोत्सव हो। उमन कहिन कि हमर जिला आदिवासी बाहुल्य नइ हे, तभो ले अच्छा प्रस्तुति ले आप मन राज्य स्तर म जिला के नाम रोशन करव। जिला पंचायत के सी.ई.ओ. प्रकाश कुमार सर्वे ह कहिन कि ये जिला मैदानी क्षेत्र होए के बावजूद नेशनल ट्रायबल डांस फेस्टिवल म करमा नृत्य के प्रस्तुति बर मैं क्षेत्र के नर्तक दल ल बधाई देवत हंव। आप मन संभाग स्तर म जिला के नाम रोशन करव।
इहां के परिणाम ये प्रकार रहिस – करमा नृत्य- महासिंग अउ साथी झालम (बेमेतरा) जबकि दूसर स्थान म विकासखण्ड साजा अऊ तीसर स्थान म नवागढ़ रहिस। आभार प्रदर्शन सिंघौरी के प्रभारी प्राचार्य संतोष राजपूत ह करिस जबकि संचालन मनोज बख्शी व्यायाम शिक्षक बेमेतरा ह करिस। कार्यक्रम म बड़ संख्या म अधिकारी – कर्मचारी, छात्र-छात्रा अऊ ग्रामीण जन उपस्थित रहिन।