रायपुर, 23 मार्च 2020। सुकमा के नक्सली हमला म शहीद होए जवान मन ल मुख्यमंत्री भूपेश बघेल, गृहमंत्री ताम्रध्वज साहू, उद्योग मंत्री कवासी लखमा, केंद्रीय गृह मंत्रालय के वरिष्ठ सुरक्षा सलाहकार विजय कुमार अऊ पुलिस महानिदेशक डी.एम. अवस्थी ह पुलिस लाइन म श्रद्धांजलि अर्पित करिन।
आप मन जानतेच होहू के सुकमा जिला के मिनपा म सनिच्च को होए पुलिस नक्सली मुठभेड़ म 17 जवान मन शहीद हो गए रहिन। शहीद जवान मन म 5 एसटीएफ अऊ 12 डीआरजी के जवान रहिन। जानबा हे के 15 जवान अभी घायल हे, जिंकर इलाज रायपुर के निजी अस्पताल म होवत हे। काल मुख्यमंत्री श्री भूपेश बधेल ह इमन ल देखे अस्पताल तको गए रहिन।
