शोक संतप्त परिवारजन ल बंधाइस ढांढस
रायपुर, 09 अगस्त 2024। मुख्यमंत्री श्री विष्णु देव साय आज बेमेतरा नयापारा म श्री तुषार साहू के श्रद्धांजलि कार्यक्रम म सामिल होइन। उमन तुषार साहू ल पुष्प अर्पित कर श्रद्धांजलि दीन। उमन शोक संतप्त परिजन ले मिलके ढाढ़स बंधात कहिन के हम सब दुख के ए घड़ी म ऊंखर संग खड़े हन, ए कठिन समय म हम सब ल धैर्य बनाए रखना हे।
मुख्यमंत्री श्री साय ह कहिन कि तुषार साहू एक होनहार युवा रहिस। समाज सेवा के काम मन म सक्रिय रूप ले वोखर भागीदारी रहत रहिस। कोनो काम ल वो हमेशा समर्पण अऊ सेवा भाव ले करत रहिस। वोखर कमी हम सब ल खलही। ये बेरा म कृषि मंत्री श्री रामविचार नेताम ह घलोक श्रद्धांजलि दीस अऊ परिवारजन ले मिलके अपन संवेदना व्यक्त करिन।
श्रद्धांजलि कार्यक्रम म स्थानीय नेता, गणमान्य नागरिक अऊ श्री तुषार साहू के करीबी सहयोगी मन ह घलोक दिवंगत आत्मा के प्रति सम्मान प्रकट करिन अऊ उंखर आत्मा के शांति बर प्रार्थना करिन। जानबा हे कि श्री तुषार साहू, उप मुख्यमंत्री श्री अरूण साव के भांचा रहिस। पाछू 4 अगस्त के वोखर कवर्धा ज़िला के बोडला स्थित रानीदहरा जलप्रपात म नहात खानी बूड़े ले मृत्यु हो गए रहिस।
