- सहायक रिटर्निंग ऑफिसर अऊ मास्टर ट्रेनर मनके प्रशिक्षण पूरा
- छत्तीसगढ़ म जनगणना 2021 के काम मोबाईल ऐप के माध्यम ले होही
- 16वां जनगणना बर प्रारंभिक तैयारियां शुरू
रायपुर, भारत के जनसंख्या के 16वां जनगणना के काम साल 2021 म करे जाना हे। एखर प्रारंभिक तैयारी छत्तीसगढ़ म शुरू करे गए हे। आज इहां मंत्रालय महानदी भवन म मुख्य सचिव श्री आर.पी. मण्डल ह जनगणना साल 2021 के प्रभावी क्रियान्वयन अऊ डाटा संकलन बर गठित अंतर्विभागीय समिति के बैठक लीन। मुख्य सचिव श्री आर.पी. मण्डल ह कहिन हे कि जनगणना के काम म पारदर्शिता अऊ सही तरीका ले जानकारी के संकलन बर राज्य म जनगणना 2021 के संपूर्ण काम मोबाईल ऐप के माध्यम ले संपादित कराए जाही। जानकारी मन के संकलन ऑनलाईन अऊ ऑफलाईन दुनों तरीका ले करे जा सकही। जनगणना के तैयारी मन के संबंध म जनवरी महिना म संभाग आयुक्त अउ कलेक्टर मन ल वीडियो कॉन्फ्रेंसिंग के माध्यम ले जानकारी देहे जाही। जनवरी महिना म ही कलेक्टर मन ल जनगणना काम बर प्रशिक्षण देहे जाही। श्री मण्डल ह भारत सरकार के रजिस्ट्रार जनरल ल विशेष रूप ले बस्तर क्षेत्र के दौरा करे अऊ उहां के जरूरत के हिसाब ले जनगणना काम बर कार्ययोजना बनाए आमंत्रित करे हें।
बैठक म निदेशक जनगणना श्री रजत कुमार ह जानकारी दीन कि जनगणना 2021 बर कुल 62 हजार कर्मी मन के तैनाती करे जाही। प्रगणक कोति ले अपन मोबाईल के उपयोग करके मोबाईल ऐप के माध्यम ले जनगणना के काम करे जाही। मोबाईल के माध्यम ले जनगणना के काम करइया प्रगणक मन ल 25 हजार अऊ पेपर म काम करइया प्रगणक मन ल 17 हजार रूपिया मानदेय के रूप म दे हे जाही। मोबाईल ऐप ले जनगणना के काम संपादित होए ले जनगणना संबंधी आंकड़ा जल्दी जारी करे जा सकही। बैठक म प्रमुख सचिव पंचायत अउ ग्रामीण विकास श्री सुब्रत साहू, प्रमुख सचिव मुख्यमंत्री सचिवालय श्री गौरव द्विवेदी, प्रमुख सचिव अउर महानिदेशक छत्तीसगढ़ प्रशासन आकादमी श्रीमती रेणु पिल्ले, सचिव राजस्व श्री सुबोध सिंह, सचिव वित्त सुश्री शहला निगार, सचिव नगरीय प्रशासन सुश्री अलरमेल मंगई डी., सचिव आर्थिक अउ सांख्यिकी श्री आर.प्रसन्ना उपस्थित रहिन।