राजिम, मंत्री श्री साहू ह मेला के तियारी मन के जायजा लेत राजिम त्रिवेणी संगम म 12 महिना पानी रहे एखर खातिर जल संसाधन विभाग के अधिकारी मन ल हुकुम दीन के एनीकट के मरम्मत करके वोमे पानी रोके जाय। उमन कहिन कि जरूरत परे म नवा एनीकट घलोक बनाए जा सकत हे, ओखर प्रस्ताव घलोक तियार करव। मंत्री ह नवा मेला स्थल म पानी के भरपूर व्यवस्था बर बोर खनन, विद्युत व्यवस्था बर ट्रांसफार्मर, जनरेटर अऊ विद्युत सब स्टेशन निर्माण के निर्देश दीन। लक्ष्मण झूला के प्रगति के जानकारी लेत उमन 25 जनवरी तक लक्ष्मण झूला ल तियार करे अऊ मेला के पहिली चालू करे के निर्देश दीन।
मंत्री श्री ताम्रध्वज साहू ह त्रिवेणी संगम ल जलमग्न रखे के दीन हुकुम
