- स्वास्थ्य मंत्री श्री टीएस सिंहदेव ह राज्य स्तरीय राष्ट्रीय कृमिमुक्ति दिवस के करिस शुभांरभ
- प्रदेश के करीब 1.13 करोड़ लइका मन अऊ किशोर मन ल कृमिनाशक दवा खवाए के लक्ष्य
अम्बिकापुर, 23 फरवरी 2020। छत्तीसगढ़ शासन के स्वास्थ्य अउ परिवार कल्याण मंत्री श्री टी.एस. सिंहदेव ह आज अम्बिकापुर मुख्यालय स्थित कन्या शिक्षा परिसर म राज्य स्तरीय राष्ट्रीय कृमि मुक्ति दिवस के शुभांरभ लइका मन ल एल्बेंडाजॉल के गोली खवाके करिन। राष्ट्रीय कृमिमुक्ति दिवस 24 फरवरी के 10वां चरण के आयोजन स्वास्थ्य अउ परिवार कल्याण विभाग, महिला अउ बाल विकास विभाग, समाज कल्याण, उच्च शिक्षा, स्कूल शिक्षा विभाग के संग मिल के करे जाही। एखर अंतर्गत प्रदेश के 27 जिला मन के करीब 1 करोड़ 13 लाख 1 ले 19 साल के लइका मन अऊ किशोर अऊ किशोरी मन ल 56384 स्कूल अऊ 52474 आंगनबाडी केन्द्र मन कृमिनाशक दवा खवाए जाही। छूटे लइका मन ल 28 फरवरी के मॉप-अप दिवस म कृमिनाशक दवा खवाए जाही।
