- पंचायत मंत्री ह कहिन जनजाति मन के परंपरागत सामाजिक पद्धति मन ल ध्यान म रखके व्यवस्था बनाए जाए
- पेसा राज्य मन म ग्राम पंचायत विकास योजना के माध्यम ले आर्थिक विकास अऊ सामाजिक बदलाव विसय म कार्यशाला आयोजित
रायपुर, पंचायत अऊ ग्रामीण विकास मंत्री श्री टी.एस. सिंहदेव ह कहिन कि छत्तीसगढ़ राज्य म ग्राम पंचायत विकास योजना निर्माण ल पहिली ले अऊ जादा व्यापक बनाए के निर्णय हमन लेहे हवन। अनुसूचित क्षेत्र मन म पंचायत मन ल अऊ जादा अधिकार वाला बनाय जाही, ताकि ग्राम सभा अपन प्राकृतिक संसाधन मन के उचित प्रबंधन अऊ संरक्षण कर सकयं। उमन बताइन कि छत्तीसगढ़ म नवा ग्राम पंचायत मन के गठन के पहिली पेसा कानून के नियम बनाए जाही। पेसा कानून म प्रावधान के तहत आदिवासी अंचल के रहइया मनखे मन के परंपरागत रीति रिवाज, धार्मिक अऊ सामाजिक पद्धति मन ल ध्यान म रखके व्यवस्था करे जाही।
