‘तुंहर सरकार तुंहर द्वार’ अब पहुंचही जरूरी कागजात आपके द्वार: मुख्यमंत्री

रइपुर, 31 मई 2021 सम्मार। मुख्यमंत्री दाउ भूपेश बघेल परिवहन विभाग कोति ले ‘तुंहर सरकार तुंहर द्वार अब पहुंचही जरूरी कागजात आपके द्वार’ नाम ले शुरू होवइया नवा सुविधा के एक जून के मंझनिया 12 बजे अपन घरू कार्यालय ले वर्चुअल शुभारंभ करहीं। एकर माध्यम ले परिवहन विभाग कोति ले प्रदेशवासी मन ल जम्मो प्रकार के स्मार्ट कार्ड आधारित ड्रायविंग लायसेंस अउ रजिस्ट्रेशन प्रमाण पत्र ले जुड़े 22 परिवहन सेवा स्पीड पोस्ट के माध्यम ले आवेदक अउ वाहन स्वामी मन के घर के पता म पहुंचाए जाही। आवेदक मन ल सेवा पाए बर www.parivahan.gov.in म आवेदन करना होही। कार्यक्रम के सोज्झे प्रसारण https://m.facebook.com/ChhattisgarhCMO/ म करे जाहींं ।
परिवहन मंत्री श्री मोहम्मद अकबर के बताती परिवहन विभाग कोति ले शुरू होवइया ये नवा सुविधा म लाइसेंस के 10 अउ वाहन ले सबंधित 12 सेवा घर पहुंचाके देहे जाही। नवा वाहन मन के पंजीयन, जुन्ना वाहन मन के आरसीसी म संशोधन, नवा ड्रायविंग लायसेंस अउ पुराने लायसेंस म करे गे परिवर्तन के बाद ड्रायविंग लायसेंस, रजिस्ट्रेशन सर्टिफिकेट (आरसी) अउ मोटरयानों का नवीन पंजीयन, स्वामित्व अंतरण, मोटरयान के अल्ट्रेशन, पंजीकृत कार्ड म पता परिवर्तन, मोटरयान म परिवर्तन, फायनेंसन के फ्रेश आरसी, हॉइपोथिकेशन जोड़ना-जारी रखना-रद्द करना, पंजीकृत कार्ड के द्वितीय प्रति, पंजीयन क्रमांक पुनःसमानुदेशन, पंजीयन के नवीनीकरण के परिवहन कार्यालय के द्वारा दस्तावेज मन के आवश्यक परीक्षण अउ मोटरयान अधिनियम के प्रावधान मन के अनुसार वाहन मन के आवश्यक निरीक्षण करे के पीछू पंजीयन अधिकारी के द्वारा अनुमोदन करे जाही। तेकर पीछू विभाग कोति ले द्वारा डिस्पेच करत आवेदक मन के दिए पता म सीधा पंजीकृत भारतीय डाक के स्पीड पोस्ट के माध्यम ले अधिकतम 7 दिन म उपलब्ध कराए जाही। ट्रेकिंग आईडी सहित एसएमएस तको भेजे जाही।
वाहन से संबंधित आवेदक मन ले मिलइया प्रकरण मन बर व्यवस्था के सुगम संचालन बर परिवहन विभाग कोति ले हेल्पलाईन नम्बर 75808-08030 जारी करे जावत हे। हेल्पलाइन के माध्यम ले आवेदक परिवहन कार्यालय ले अनुमोदन उपरांत स्मार्ट कार्ड आधारित ड्रायविंग लायसेंस अउ रजिस्ट्रेशन प्रमाण पत्र प्रेषण के संबंध म जानकारी पा सकत हे।