बलौदाबाजार जिला के तुरतुरिया-नारायणपुर पर्यटन केन्द्र के रूप म होही विकसित

बलौदाबाजार, 14मार्च 2020। छत्तीसगढ़ म राम वनगमन मार्ग के महत्वपूर्ण केंद्र बलौदाबाजार जिला के तुरतुरिया अउ एखर नजदीक स्थित करीबन एक हजार साल जुन्ना शिव मंदिर ल पर्यटन केन्द्र के रूप म विकसित करे जाही। मुख्य सचिव श्री आर.पी.मण्डल ह आज राज्य सरकार के वरिष्ठ अधिकारी मन के टीम के संग ये सिलसिला म तुरतुरिया अऊ नारायणपुर के दौरा करिन। उमन ए दुनों जगा तक मनखे मन के आसानी ले पहुंच संग ऊंखर रूके, खाए-पीये अऊ मनोरंजन के साधन विकसित करे के कार्य-योजना जल्दी से जल्दी तियार करके प्रस्तुत करे ल कहे हें। उमन तुरतुरिया के बाल्मीकि आश्रम अऊ बालमदेही नदी अऊ नारायणपुर के नजदीक बहइया महानदी म वाटर फ्रंट डेवलपमेंट अऊ कॉटेज सुविधा विकसित करे बर संबंधित विभागीय अधिकारी मन ल जरूरी हुकुम दीन।