बम्बई, टीवी के हिरोईन निया शर्मा के हाले म ‘सात समुंदर पार’ गाना रिलीज होए हे। ये गाना म वो ह गदाफद्द डांस करे हे। ये मा वो अड़बड़ बोल्ड अंदाज म डांस करत हे। वो ह इंस्टाग्राम म एक 42 सेकंड के वीडियो शेयर करे हे जेकर शुरु म वो बरसा म भींजत दिखत हे। एखर बाद वो डांस करत हे। ये मा वो ह सफेट रंग के ब्रालेट पहिरे हे अऊ पानी म वो भींजत डांस करत हे। वीडियो म आगू वो ह लाली रंग के डरेस पहिरे दिखथे। ओखर ये वीडियो बिक्कट वायरल होए हे। एला अब तक 5 लाख 40 हजार व्यूज मिल गए हे। एमा कई मनखे मन म कमेंट तको करे हें। निया शर्मा के वीडियो म रुबीना दिलैक ह ‘हॉट’ लिखे हे त एक फैन ह निया शर्मा ल ट्रोल करत लिखे हे, ‘क्यों ओल्ड सुपर-डुपर हिट गाना ल खराब करे बर तुले हस?’ उहें एक आन ह लिखे हे, ‘निया तैं बिक्कट सुग्घर दिखत हस’ एक फैन ह लिखे हे, ‘पूरा गाना ल खराब कर देस’।
जानबा हे के निया शर्मा टीवी कलाकार ये। वो ह कई ठन टीवी शो म काम करे हे। एखर अलावा वो ह कई रियलिटी शो म घलोक काम करे हे। निया शर्मा के फिल्म काफी पसंद करे जाथे। वो ह सोशल मीडिया म बिकट सक्रिय हे। वो अपन फैंस ले घलोक बातचीत करथे। एखर चलते वोखर फैंस घलोक काफी उत्साहित रहिथें। वो अक्सर अपन फोटू अऊ वीडियो शेयर करत रहिथे जेन बड़ वायरल होथे।
