दूपहिया वाहन म गांजा तस्करी करत दू आरोपी गिरफ्तार

कवर्धा, 21 अगस्त 2020। कवर्धा जिला म जुआ, सट्टा अउ गांजा तस्करी म अंकुश लगाये के अभियान चलाय जात हे। कोतवाली पुलिस ह दू मनखे ल गांजा तस्करी करत पकड़े हे। पुलिस मन ल मुखबिर ले सूचना मिलिस त ग्राम मड़मड़ा के डहर दोपहिया वाहन ले दू मनखे गांजा लेके आवत रिहिस हे। सूचना मिलिस त ग्राम मैनपुरी म पुलिस मन घेराबंद करिन। इही दौरान दू पहिया वाहन क्रमांक सीजी 07 बीएफ 8435 म आरोपी नंदकुमार देवार उम्र 21 साल अउ सुरेन्द्र निखारे उम्र 39 साल ल रोके गिस। तलाशी म इंखर स्कूटी ले प्लास्टिक बोरी म 6 पैकेट गांजा बरामद करे गिस। गांजा के वजन 5.400 ग्राम, कीमत 65,000 बताये जवात हे। आरोपी मन ल गिरफ्तार कर न्यायालय म पेश करे गिस।