महासमुन्द, 7 अगस्त 2020। बुंदेली चौकी पुलिस ह मोटर साइकिल म गांजा तस्करी करने वाला दू आरोपी मन ल गिरफ्तार कर ले हे। एमा 10 किलो गांजा आरोपी मन ले बरामद करे गे हे। एखर कीमत एक लाख रूपिया बताये जावत हे। बुंदेली चौकी प्रभारी विकास शर्मा ह जानकारी देवत हुए बताइस कि मुखबिर ले सूचना मिलिस कि बुंदेली क्षेत्र म कुछ गांजा तस्कर मन के द्वारा गांजा के अवैध परिवहन करने वाला हे। सूचना म चौकी प्रभारी ह सादा वर्दी म पुलिस गांजा परिवहन करने वाला रस्ता म आरोपी मन के इंतजार करत रिहिस। इही बीच दू मनखे मोटर साइकल म पहुंचिस, जेखर ले पूछताछ करे म ओमन अपन नाम लोकेश्वर धीवर 38 साल निवासी आजाद चौक बुडेरा थाना खरोरा रायपुर, ओमप्रकाश बंजारे 28 साल निवासी ग्राम बाना थाना खरोरा रायपुर बताइस। पुलिस के टीम ह दुनो गांजा तस्कर मन ले 10 किलो गांजा एक लाख कीमत अउ एक मोटर सायकल 70 हजार रुपिया जब्त करके उंखर खिलाफ कार्रवाई करके जेल भेजत हे।
महासमुंद म 1 लाख के गांजा के संग दू आरोपी गिरफ्तार
