बालौदाबाजार, 1 अगस्त 2020। जिला के गिधौरी थाना इलाका म पुलिस ल आवत देख गांजा तस्कर स्कॉर्पियो कार ल छोड़ के फरार होगे. कार के तलाशी ले गिस, त पुलिस ह 50 किलो 380 ग्राम गांजा जब्त करे हे. जेखर कीमत 2 लाख 51 हजार 900 रुपिया आंके गे हे. जानकारी के अनुसार पुलिस ल मुखबिर ले सूचना मिले रिहिस कि स्कॉर्पियो म गांजा तस्करी करे जावत हे. जेखर बाद ग्राम गिधौरी बस स्टैंड के करीब घटमडवा नाला के तिर घेराबंदी करके बिना नंबर प्लेट स्कॉर्पियो आत दिखिस, जोन ल रोके म आरोपी द्वारा गाड़ी ल भगाये के प्रयास करिस. अउ कुछ दूर बाद गाड़ी ल छोड़ के फरार होगे. वाहन ल चेक करे म अंदर 50 पैकेट सेलोटेप ले चिपके हुए गांजा बरामद होइस.
बलौदाबाजार म ढाई लाख के गांजा पकड़ाइस, पुलिस ल देख गाड़ी छोड़ के भागिस तस्कर
