कोरिया जिला म सिंचाई क्षमता म ढाई गुना बढ़ोतरी, 25 बछर म बदलिस खेती के हाल
कोरिया, छत्तीसगढ़ राज्य के रजत जयंती साल म कोरिया जिला ह सिंचाई के क्षेत्र म नवा ऊँचाइ हासिल करे हे। पाछू 25 बछर म जिला के कुल सिंचित रकबा म ढाई गुना ले जादा बढ़ोतरी होए हे। साल 2000 म जिला के सिंचित रकबा 18 हजार 13 हेक्टेयर रहिस, जेन अब बढ़के 21 हजार 102 हेक्टेयर तक पहुँच गए हे।
सिंचाई प्रतिशत अब बढ़के 34.55 प्रतिशत हो गे
ये बढ़ोतरी जिला के कृषि व्यवस्था अऊ जल संसाधन प्रबंधन म आए सकारात्मक बदलाव ल बताथे। कहूं सिंचाई प्रतिशत के बात करन त ये साल 2000 म 13.72 प्रतिशत रहिस, जेन अब बढ़के 34.55 प्रतिशत हो गए हे।
रबी सिंचाई रकबा बढ़के होगे 5 हजार 469 हेक्टेयर
कोरिया जिला म रबी फसल मन के सिंचाई रकबा म घलोक उल्लेखनीय प्रगति दर्ज करे गए हे। साल 2000 म जेमां मात्र 3 हजार 595 हेक्टेयर म रबी फसल ल सिंचाई सुविधा प्राप्त रहिस, उहें अब ये क्षेत्र बढ़के 5 हजार 469 हेक्टेयर तक पहुँच गए हे।
2 मध्यम अऊ 58 लघु परियोजना
जल संसाधन संभाग, बैकुंठपुर के मुताबिक, साल 2000 म जिला म 1 मध्यम अऊ 63 लघु सिंचाई परियोजना संचालित रहिस। अभी हाल म 2025 म ये संख्या 2 मध्यम अऊ 58 लघु परियोजना तक हे। ए बीच अविभाजित कोरिया जिला के 43 लघु परियोजना मन नवगठित मनेंद्रगढ़ -चिरमिरी-भरतपुर जिला ल हस्तांतरित करे गए हे।
अब 40 हजार 210 किसान लाभान्वित
वर्ष 2000 म 28 हजार 619 किसान सिंचाई परियोजना मन ले लाभान्वित होवत रहिन, जबकि अब लाभान्वित किसान मन के ये संख्या बाढ़के 40 हजार 210 तक पहुँच गए हे। जिला म अभी हाल म कुल 60 सिंचाई परियोजना संचालित हे, जेमें ले 2 प्रमुख हे।
ये उपलब्धि कोरिया जिला के कृषि उत्पादकता म बढ़ोतरी के चिनहारी हे, संगेच ग्रामीण अर्थव्यवस्था के मजबूती अऊ किसान मन के जीवनशैली म आए सकारात्मक बदलाव के कहानी कहत हे।
