दुर्ग, 3 अक्टूबर 2020। दुर्ग जिला म दू बाइक के बीच जबरदस्त टक्कर होगे। जेखर ले हादसा म तीन लोगन मन घायल होगे। घटना म एक प्रेमी जोड़ा जोन मन घर ले भाग के बिहाव करे बर निकले रिहिस वो मन घलो घायल होगे, दुनों अब अस्पताल म हे। एक आने बाइक सवार युवक ल घलो चोट आये हे। ये घटना म प्रेमी जोड़ा गंभीर रूप ले जख्मी होगे हे।
पूरा घटना अंडा इलाका के हे जिहां सड़क के मोड़ के सेती दुनों बाइक म टक्कर होगे। प्रेमी-प्रेमिका वाला बाईक आगु ले आवत बाइक ले टकरा गिस, जेखर ले लड़का-लड़की जख्मी होगे। आलबरस गांव के हेश कुमार ठाकुर अपन प्रेमिका ल लेके घर ले भगा के ले जावत रिहिस, दुनों के फैसला कोनो सुरक्षित जगह म पहुंच के मंदिर म बिहाव करे के रिहिस।
युवक अउ ओखर गर्लफ्रेंड दुनों बाइक ले रिसामा के डाहर जावत रिहिस, उहीं बेरा आगु ले तामेश्वर वर्मा अपन बाइक म संगवारी हरनारायण यदु के संग आवत रिहिस, इही दौरान दुनों बाइक के बीच जोरदार टक्कर होगे दुनों के हालत नाजुक बताये जावत हे।