नवा साल के पहिली दिन छत्तीसगढ़ म दू नवा अभियान के शुरूआत

रायपुर, छत्तीसगढ़ म स्कूल शिक्षा विभाग कोति ले नवा साल के पहिली दिन दू नवा अभियान शुरू होइस। पंचायत अउ ग्रामीण विकास मंत्री श्री टी.एस. सिंहदेव अऊ स्कूल शिक्षा मंत्री डॉ. प्रेमसाय सिंह टेकाम ह ए दुनों अभियानों के शुभारंभ करिन। जिला मुख्यालय अम्बिकापुर के शासकीय उच्चतर माध्यमिक विद्यालय म आयोजित कार्यक्रम ले दुनों मंत्री मन ह वर्चुअल कार्यक्रम ले जुड़ के लइका मन के पठन अऊ गणितीय कौशल विकास बर सौ दिवसीय अभियान, शाला त्यागी लइका मन बर व्यावसायिक शिक्षा पाठ्यक्रम-स्किल हब एनिशियेटिव कार्यक्रम के शुरूआत करिन। राजधानी के मायाराम सुरजन शासकीय कन्या उच्चतर माध्यमिक विद्यालय म आयोजित कार्यक्रम म स्कूल शिक्षा सचिव डॉ. कमलप्रीत सिंह, प्रबंध संचालक पूरा शिक्षा श्री नरेन्द्र दुग्गा संग संबंधित स्कूल के प्राचार्य, शिक्षक अऊ अभिभावक के संग ही वर्चुअल रूप ले सबो जिला मन के शिक्षक, विद्यार्थी अऊ ऊंखर अभिभावक सामिल होइन।