धमतरी, 12 जून 2020। धमतरी जिला ले एक दर्दनाक खबर आगु आये हे। जिला मुख्यालय धमतरी ले 12 किलोमीटर दूर मथुराडीह म ईटा भट्ठा म 2 मजदूर मन के जिंदा जल के मउत हो जाये ले इलाका म सन्नाटा पसर गे हे. मिले जानकारी के अनुसार गांव के बाहर ही ईटा भट्ठा म ईटा पकाये बर आग लगाये गे रहिस काली संझा बारिश होय ले ईटा भट्ठा ल ढंके बर दुनो मजदूर गे रहिस. आशंका जताये जावत हे कि ईटा भट्ठा म चढ़ के तिरपाल ढंके के बेरा धुआं उठे ले वो दुनो बेहोश होगे रहिस होही अउ भट्ठा म गिर गे रहिस होही. ओ मन के नई लहुटे म बिहनिया जब परिवार वाला ढूंढत पहुँचीस तब तक दुनो के मउत होगे रहिस. बताये जावत हे कि दुनो मजदूर नशा के हालत म ईटा भट्ठा डहर गे रहिस. पुलिस सूत्र मन ले मिले जानकारी के अनुसार मृतक मन म रघुनाथ गोड़ निवासी तेन्दुकोना अउ दिलीप चक्रधारी निवासी मथुराडीह ईटा भट्ठा म काम करत रहिस. पुलिस मामला दर्ज करके जांच म जुटगे हे.
ईटा भट्ठा म जले ले 2 मजदूर मन के मउत, इलाका म सन्नाटा
